Kalendari i sezonit
Çdo muaj me një shikim. Ngjyra tregon nëse eventi është opsion, i konfirmuar, i përfunduar apo i anuluar.
Çdo dasëm në një kartelë.
Sistemi për studiot e videoproduksionit: rezervon datën, cakton kamermanët dhe aparaturën, mban kaparin dhe këstet, dhe nxjerr kontratën gati për nënshkrim. Nga telefoni ose kompjuteri.
Për studiot që punojnë me dasma, fejesa, synete dhe çdo aheng tjetër.
Nga telefonata e parë deri te USB-ja në duar të çiftit
Çdo hap i punës ka vendin e vet, kështu që asgjë nuk mbetet në letra, në mesazhe apo në kujtesë.
Rezervimi
Data, ora, salla dhe lloji i ahengut. Kalendari të tregon menjëherë nëse dita është e lirë.
Kontrata
Mbushet vetë me emrat, datën, paketën dhe çmimin. E printoni dhe e nënshkruani.
Ekipi
Sa kamerman e sa fotograf, kush shkon te nusja e kush te dhëndri, cilat kamera merren.
Dita e eventit
Stafi i sheh adresat, oraret dhe shënimet nga telefoni, pa pyetur askënd.
Dorëzimi
Video, albumi, USB-ja dhe afati. Mbetja e pagesës nuk harrohet kurrë.
Gjithçka që i duhet një studioje, në një vend
I ndërtuar për mënyrën si punojnë studiot e dasmave: shumë evente në sezon, ekipe që ndahen, pagesa me këste.
Kapari dhe këstet
Sa ka paguar klienti, kur, dhe sa ka mbetur.
Ekipi dhe aparatura
Nëse dikush ose një kamerë është e zënë në të njëjtën ditë, sistemi ju paralajmëron.
Për klientin dhe për stafin
Kontrata merr vetëm atë që i takon klientit. Shënimet e brendshme mbeten brenda.
Në xhep, ditën e dasmës
I njëjti sistem në telefon dhe në kompjuter. Çdo anëtar i stafit hyn me llogarinë e vet.
Kontrata shkruhet vetë
Sapo ruani rezervimin, kontrata është gati me të dhënat e klientit dhe të eventit. Ndryshoni diçka në kartelë dhe kontrata përditësohet.
- Të dhënat e studios dhe të klientit
- Data, ora, salla dhe ekipi
- Çka i dorëzohet çiftit dhe deri kur
- Çmimi, kapari dhe mbetja
- Gati për printim dhe nënshkrim
KONTRATË PËR SHËRBIME VIDEO DHE FOTOGRAFIKE
Nr. 24/2026, lidhur më 12.01.2026
Neni 1. Ofruesi realizon incizimin video dhe fotografimin e eventit Dasëm të Arta Rexhepi dhe Liridon Kastrati, më 20.06.2026, nga ora 14:00, në Salla Diamant.
Neni 2. Ekipi: 2 kamerman, 2 fotograf dhe 1 operator droni.
Neni 3. Klientit i dorëzohen video e plotë, klipi highlight dhe albumi me 40 faqe, deri më 20.08.2026.
Neni 4. Çmimi: 1.800 €. Kapari i paguar: 500 €. Mbetja: 1.300 €.
OfruesiKlienti
I bërë për ahengjet tona
Jo një kalendar i përgjithshëm, por një sistem që e njeh mënyrën si bëhen dasmat këtu.
Te nusja, te dhëndri, në sallë
Adresat e të dy shtëpive dhe të sallës në të njëjtën kartelë, që ekipi ta dijë ku shkon.
Kapar, këste, mbetje
Pagesat ashtu siç paguhen realisht, në euro, me datë dhe shënim.
Në shqip, nga fillimi
Nga butonat te kontrata, gjithçka është në gjuhën tonë.
Dasëm
Fejesë
Kanagjegj
Synet
Pagëzim
Ditëlindje
Përvjetor
Event korporativ
Pyetje të shpeshta
A punon në telefon?
Po. Sistemi hapet në çdo shfletues, në telefon, tablet dhe kompjuter, pa instaluar asgjë.
Kush mund ta shohë informacionin?
Vetëm personat që u krijoni llogari. Administratori vendos kush hyn në sistem dhe mund t'ia heqë qasjen kujtdo në çdo kohë.
Ku ruhen të dhënat?
Në një server të sigurt, me lidhje të enkriptuar dhe kopje rezervë të rregullta.
A mund ta përshtas kontratën me kushtet e studios sime?
Po. Të dhënat e studios, NUI dhe llogaria bankare vendosen te cilësimet, kurse kushtet e kontratës përshtaten sipas nevojës suaj.
Sa persona mund ta përdorin njëkohësisht?
I gjithë ekipi juaj, secili me llogarinë e vet.
Gati për sezonin e dasmave?
Na shkruani dhe ju tregojmë sistemin me shembuj nga puna juaj e përditshme.